Opus 567/ 2004
Woi ma ois doa woss ma kinnand?
Ois wos Noan sich so ausschpinnand?
Meass ma ois manipulian?
Pflanzn, Viecha, unsa Hian?
Meass ma toute Leit ausschlachtn?
Kimma uns so bessa achtn?
Oda is grod Gaejdmocharei
und a Foi fia d Polizei?
Meass ma wirkle jedn Dreeg wissn
und gierig schnappa nach jedm Bissn?
Geht uns wirkle ois ebbs o?
Meass ma boahn in jedes Lo?
Meass ma oisen leichta mocha?
Meass ma üba oisen locha?
Ois wos andast is vonichtn?
Ois wos guat laaft nei eirichtn?
Muaß ois zua Ware wean?
Meass ma an oisen ebbs vodean?