Opus 566/ 2003
Aejtz bine endle gscheid,
hane owei wieda gmoant,
und han a Zeitlang do,
wos alle doand.
Han d Oahn voschtopft
und d Zung miad gsuffa,
und d Aung vobundn,
han Theata gschpaejt
und debbad gschaut
und ois guat gfundn.
Han wichte do
und brav zuaghead,
und mi fesch zammgricht,
mi glatt rasiad
und d Schuah eigfett
und grod no nett dicht.
Han s Gaejd ausgem
füan gressan Krusch,
des hod d Leit gfreid.
Tuschlt hamm s
und leise gsogt:
„Aejtz isa wia mia so gscheit!“.
Han foigsam gnauckt
und globt und gschleimt
und „small getalkt“,
Ja bine bled?
Hanama denkt
und han wieda bockt.
Heit moches wieda,
wiares owei gmocht han,
frogts me
ned wia,
andast em,
a weng frech und brav,
wias hoid passt zu mia.