Opus 564/ 2003
Wia weit reicht mei Aung?
Wia weit kann eahm traun?
Wia weit reicht mei Zung?
Woher schtammt d Luft in meina Lung?
Wiavaej davo kimmt aus da Mongolei?
Zwoa Lita
oda hundatdrei?
S is glei,
s is glei.
Wia weit
deaf i no geh?
Wia oft no in da Friah aafschteh?
Wia oft schmeckand mia frische Semmen no?
Wia oft schpringt d Kaffeemaschin no o?
Woher schtammt mei Buda und mei Mamalad?
Aus m Woid, aus m Gaibon oda aus m Tschad?
S is glei,
s is glei.
Wia lang hoid i no Zeitung aus?
Owei mehr Krampf und owei mehr Graus!
Wia oft habe den Schmoan scho glesen?
Und bin danach koa bissal gscheida gwesn!
Vielleicht soite grod schau wia a Kuah?
Waa voratzt is jeda gscheide Bua.
S is gnua,
s is gnua.
Nichtig waar ois, hoda gsogt,
doch koa Mensch hodn danach gfrogt.
Alloa wichte is, wia hou wea schpringt,
und wea heit aaf d Nacht im Feanseh kimmt.
Ob Bayan gwingt, wea Kanzla wiad,
und ob se ebbs im Biazaejt riaht.
Bin miad, bin miad, bin miad...