Opus 551/ 2002
Es ist nicht mehr die Zeit sanft herumzufaseln und wie die Maus vor der
Schlange zu hoffen, dass die USA dadurch vielleicht vom Schlimmsten abzuhalten
wären. Sie tun was sie wollen, sie
lügen, morden und zerstören, wenn es ihnen wirtschaftlich nützlich zu
sein scheint und sie toben wie ein verrückter Elefant über den Planeten.
D Waejd ghead ned dene Amerikana,
aa wenns
owei a so doand,
eahrane Bomba und Missails, Soidatn und Panza
hom woandasd übahaupts nix voloan.
Se sogn, se wadnd, egal obs wem passt
oda ned, da Waejdpolizist,
des hoißt oiso, dass fia se die ganze Waejd
eahra Herrschaftsbereich ist.
Se bestimmand, wea guat is, wea Schurke, wea Gangsta,
s is jeda,
dea ned duat wia se woin.
Da Bush sogt, sei Feind is wea ned sei Freind is
und irgendwann losstan no dafia zoihn.
Se sand de Guatn, beauftragt vom Himme,
und du kannst entscheidn wers d bist.
Je nach dem, obsd dich eah untawiafst,
bist a Freiheitskämpfa oda a Terrorist.
D Regierung liegt im Bett mit da Wirtschaft,
waa die hod ihran Wahlkampf zoiht.
Umasunst is da Toud! Wea zoiht schofft o!
Zweng nix koa Rubl ned
roit.
Man glaubts kaum, doch is no vaej gfeida des Ganze,
s is grod a Lobbykratie.
in dea s grod um Gaejd geht, um Gaejd und um Macht geht,
und des nennands Demokratie!?
Ois drahtse um Aej, um Einfluss und Handl,
Konzerne bestimmand wos laafft.
Ruah gems east, wenn jeda aaf dem Planetn
sich Cola und Hamburga kafft.
In da Wallstreet wiad bschissn, glong und graiwad,
Billionen voschwindn wia nix.
Foische Bilanzn und koa bissal Skrupl
und jedn Tog neie Tricks.
Und im Voik geht ois drunta und drüba,
die Oama weand owei mehr,
zwoa, drei Jobs und oft achtzeah Schdund Oabad,
d Schtoazeit war sozial dageng seah.
30 000 Leit weand jeds Johr ogschossn,
se traun se boid nimma aaf d Schtrass.
Nout und Elend und no imma Rassismus,
religiöse Voblendung und Hass.
Iwa zwoa Millionen Leit sand eigschpiad,
in Zuchthaisa, Laga vorraamd,
in da Hauptsach Oame und Schwoaze,
dass se do neamd schaamd.
In
wia Viecha in Käfig eigschpiad,
ohne Vohandlung, ohne Anklag,
wea woaß, wos mit dene no wiad.
Elektrischa Schtuih und Giftschpritzn,
no imma wiad exekutiad.
Behindate, ja saejbst Kinda weand higricht,
a Justiz, grausam und antiquiad.
Urangschoß, Landminen und Schprengbombn,
setzns owei no ei unscheniad,
und koa Land hat mehr Atombombn,
und nur se hom s bis aejtz ausprobiad.
„Amerika first“, is eahra Nazi-Devisn,
d Herrschaft woins iwa die ganz Waejd,
und koa intanationales Abkommen
fia se meah gaejt.
Und übaroi wachlsns mit eahrane Fandal,
übaroi hängand Schtreifn und Schteandal.
In de Schuin messnd d Kinda draaf schwörn jedn Tog!
Schtaejts enk vor! Jeda Bua und jeds Deandal!
Nirgands wiad aaf da Waejd sovaej voschwendet
an Aej, an Rohschtoff und Schtrom,
und nirgendsd wiad sovaej Dreeg in d Luft blosn,
a Wiatschaft wia a Karzinom.
Wia soit des grod guat geh, wia soit des no endn?
I muaß
zuagem, i woaß aa koan Rat.
Es wiad
uns woih no geh wia de
Wers
übalebt kimmt in a Reservat...