Opus 549/ 2002
Mei Bauch, dea faejht se fremd o,
ich glaub, dea ghead ned mia,
mir scheint, da lagert unsa Brauerei
iah helles Bia.
Dea Schpeeg an meine Hiftn,
wie fremd glangdasse o!
I hob an Haffa Kuacha
und Sahne einedo.
D Waal sand aus Pizza,
d Schinken sand auch vom Schwein,
ja Himmeherrschaftsseitn,
bin i in mia allein?
Ich sehg mein Kopf im Schpiagl,
wea is dea fremde Mo?
Wo sand die schwoazn Loggal?
wos hom s mit eah grod do?
Wo einst die Ideale
hatten ihren Hort,
duat, zwischn de Ohrwaschln
-die meisten sand heit foat!
Was is an dann von mir no?
D Zähnt? Dasse fei loch!
Grod s Gschau und die oit Nosn
und aaf jeda Seitn s Nosnloch.