Opus 545/ 2002
Kinda, Kinda,
i winsch enk Glick,
weads grouß und schdoag, brav und ned z dick.
Mochts es bessa no wia mia,
votragts enk, sads luste und mochts ja koan Kria!
Kinda, Kinda,
i winsch enk Glick,
weads grouß und schdoag, brav und ned z dick.
Losst enk ned vofüahn
lossts enk ned kaffa
gebrauchts enka Hian.
Kinda, Kinda,
i winsch enk Glick,
weads grouß und schdoag, brav und ned z dick.
Sads schtoiz nach om
und freindel nach unt,
luigts ned und bscheißts ned
suchts nachm Grund.
Kinda, Kinda,
i winsch enk Glick,
weads grouß und schdoag, brav und ned z dick.
Und schauts dass woach bleibt enka Heaz,
pfeifts aafs Gaejd und aafn Kommeaz.
Kinda, Kinda,
i winsch enk Glick!