Opus 531/ 2001
Die stärkste
Wirtschafts- und Militärmacht der Erde wird gleichsam von Wespen gestochen,
doch sie hat zu ihrer Verteidigung keine geeigneten Waffen, ihr ganzes
Overkill-Potential hilft nichts, und wenn sie es doch einsetzt ist es, als
würde einer mit einem schweren Hammer nach den Angreifern hauen, die auf dem
eigenen Körper sitzen, so dass man mit jedem Treffer auch sich selber trifft
und zerstört. Gegen die modernen Bedrohungen, nicht nur den schrecklichen
Terrorismus, helfen keine Massenvernichtungswaffen, sondern allein das Bemühen
um eine gerechte Welt mit aufgeklärten Menschen, in der alle ihr Auskommen
haben.
I hob an groußn Hamma
um mi zum weahn,
mit meim groußn Hamma
haue zua so gean.
Doch dann is a Wess kemma,
hodse gnockt aaf mei Knia,
und i han scho gschpiad
wia re mei Geduid volia.
Dann hanne mit meim Hamma
aafzong iban Kopf,
und han de Wess daschlong,
doch o mei, i oama Tropf.
O mei, war des a Wehtum!
Mei Kniascheim hod an Schprung,
a andre Wess is kemma,
is gland aaf meina Zung.
Und wieda hane aafzong,
mei Hamma trifft sei Zaej,
meine Zähnt sand grod no Scheam,
es ging oisen so schnaej.
A dritte Wess, a freche,
hockt se aaf mein Zeha,
mei Hamma mocht a End mit iah,
mei Zeha duat no weha.
A viate Wess kimmt zuara,
buad ma um mei Nosn,
a finfte Wess die tobt,
irgendwo in meina Hosn.
Mei Hamma soagt fia Oadnung
und trischt ei aaf die Wessn,
mia kimmts a wengal via,
ois häda aaf mi vogessn.
D Wess sand aejtz hi,
I bin vo eah befreit,
mei Hamma is scho praktisch,
wos sogtsan liabe Leit?