Opus
527/ 2001
Eine der größten
Illusionen ist es, dass ein Vorgesetzter wirklich etwas zu sagen hat, zumal
wenn er Frauen vorgesetzt ist. Ich höre zwar, wie diese jetzt lachen und auch
ein paar halbherzig empört protestieren, doch im Großen betrachtetes ist es so.
Du machst einen Plan und alle machen so weiter wie immer.
I bin zwar da Chef,
doch zum song howe nix,
i moan, reen deafe scho,
doch es foigt neamnd, ze fix!
I bin zwar da Chef,
doch damit is scho goa,
muaß fia oissen gredschteh
und bin aaf d Letzt owei da Noa.
Alle luusn ma zua
und lochand me o,
doch danach homs no owei des
wos scho owei doand do.
Es fangt o bei unsra Katz
und head aaf bei meim Schatz,
bei da Oma gehts weida,
i muaß owei sei da Gscheida.
Und Kinda, die Siaßn,
doand aa grod wos woin,
die Trackn, die Gfriesa!
Und i deaf ois zoihn!
Und in da Oawad
bei meine Weiwa,
i waej o ned jamman,
awa da is no gfeida!
Manchmoi – oh Wunda!-
widasprechands goa ned,
denkandse, mei,
mei, wos dea Mo zammred.
Losstsn hoid blebban!
Loßts eahm de Freid!
Wenna aafhead
dann kimmt unsa Zeit!