Opus 485/ 1997
(frei nach Junping Jack Flash von den Stones)
Mein Beitrag zum Internet.
Aus m Droht
hoiama heit Informationen.
Aus m Droht
leane heit meine Lektionen.
Und i brauch fia mei Maus
an neia Treiba,
doch übaroi bunte Baejtl
und scheene Leiba.
Und i sörf umananda
mit meim Brausa,
nasch a weng, da und duat
wia a Lausa.
Und egal wos draußt hod
fia a Weda,
i sitz vor meim Apparat
wia a Bleda.
Doch i hob a Problem,
sogs fei ned weida!
I woaß oft ned
wose browsn kannt, leida...
I sitz voam Tisch,
fia mi ganz alloa,
und schtia und schtia
aafn Monitoa.
So vaej Fremds, sovaej Krampf!
Sovaej Oits in neia Gwand!
Übaroi kochands mit Wossa,
und mancha Schdoa is grod Sand.