Opus 420/ 1994
Der Mensch sieht sich selbst an der Spitze der Evolution. Und was ist
sein Edelstes, was sein höchstes Talent? Lachen. Und hier: über sich selber!
Es is fei a Schand:
du host heit no ned zahnt,
du host heit no ned glocht,
hechste Zeit, dass das mochst!
Du hea aaf mein Rat:
Schau ned so fad!
Geh, loch ma ins Gsicht,
es kost de doch nix!
Geh, loch me doch o,
i hob da nix do!
Es gibt owei an Grund,
ja und s Locha is gsund!
I loch iwa mi,
und du lochst iwa di,
do hamma zum doa,
schwaar is Locha alloa.
Drum hi und do
deafe scho
wa di locha aa,
sog bitte ned naa.
Dafia deafst dann, wennst mogst,
ohne dassd frogst,
aa a wenig blegga
iwa mein Begga.
Gaej, gaej!
Owa ned z vaejh!
Gaej, gaej!
Owa ned z vaej!