I bin da Oasiedla vo da Au

Opus 414/ 1993

I bin da Oasiedla vo da Au,

doch manchmois faejhe me mau

ganz ohne Frau,

irgendebbsen faiht,

neamad neagld, neamad schreit.

I bin da Oasiedla vo da Au,

doch manchmois faejhe me mau.

Daad so goa a Rippn heagem,

waa so alloa, des is koa Lem.

I bin da Oasiedla vo da Au,

doch oans woaße genau,

i brauch a Frau.

Ned unbedingt an ganzn Tog,

mia glangads durchaus, wennes stundenweis hob.

I bin da Oasiedla vo da Au,

doch manchmois faejhe me mau.

Daad so goa a Rippn hergem,

waa so alloa, des is koa Lem.

I bin da Oasiedla vo da Au

und i brauchad a Frau, a Frau,

ned unbedingt an ganzn Tog,

mia glangads durchaus, wennes stundenweis hob

- waa sunst waare ja koa Oasiedla ned.