Opus 407/ 1997
Nein, ein feiner
Herr wollte ich nie werden, da schon eher ein Seeräuber, ein Beschützer der
Armen, ein Clown oder ein den Dunst vertreibender Aufklärer. Nun - ein feiner
Herr bin ich wohl auch nicht geworden, ein fein fühlender Mensch aber doch
wohl schon.
Bin woih koa Tschentlmän,
i ranz me und i gähn,
boah zwischn meine Zähn,
bin woih koa Tschentlmän,
drum ghoid da ruhig dein Schlips
dea haejft bei mia doch nix.
I leg gean d Fiaß am Tisch
und iß ois am liaban frisch.
Und hod ma ebbsen gschmeckt,
i s Tella no ausschleck,
des duat koa feina Mo,
i woaß, i scham me so...
I bin koa Diplomat,
die sand ma einfach zfad.
Sog dia ois gred ins Gsicht,
aa wenns de kurz vonicht,
dann tring ma zamm a Bia,
und s nexte Moi sogsdas mia!
Drum hoffe doch i bin
ned zwieda innendrinn,
haejf owei dene Kloana,
und kann aus Mitleid woana,
und wenne manchmoi schrei
i s nachhea glei berei.
I mog aa alle Leit,
wenn aa ned zu jeda Zeit.
Hab no nia ned ebban bissn
und no nia ebban zfleiß bschissn.
Mi juckt aa koa Karriea,
drum wia re nia a feina Hea!
I schpott aa gean nach om,
nia heast me die Om lom.
I find einfach koan Grund,
bin woih a schlimma Hund.
Mit mia is koa Schdaad zum mocha,
und i kann grod drüba locha.