Opus 382/ 1990
(frei nach „Satisfaction“ von den Stones)
I woit ma kaffa,
vom Glick an ganzn
Haffa,
owa leida, owa
leida, owa leida –
--aejtz bine gscheida...
I han s probiad, i han s probiad,
aejtz bine miad,
woaß wohi des Ganze fiaht...
I han me gschundn wia a Bleeda,
han mittm Hian
ogschom, bei jebm Weda,
hob gnauckt und
gschleimt und vaej oigschluckt,
und nia, niamois
aafgmuckt.
Hob me mit an
fremdn Meta gmessn,
i sog ned mehr,
mechts gean vogessn...
Und d Weabung hod
me pflanzt,
wia a Trottl hob
iah nachetanzt,
han graucht wia a
Lokomotiv,
und gsuffa, bise
ganga bin schief,
hob gfressn wia a
hungriga Bäa
und hab ma eigred,
aejtz waare wea.
Und wia oft howe
bedld und bitt,
bei de Bankn um an
neia Kredit,
o mei, wos howe
Zinsn zoit!
I deaf no blecha
bise graab bin und oit,
und wos howe heit
davo
außa im Gaejdbeidl
a Lo...?