Opus 373/ 1990
(freier Text
nach "She was hot" von den Rolling Stones)
I
hob amoi a Deandl kennt,
wennes gsehng hob,
hod mei Heazal brennt.
Sie hod so scheene Aigal ghod
ganz greane.
I bin iah a Zeit nachegrennt,
i war des, wos ma voliabt so nennt,
und bumpad hod mei Heaz so laut
von Feane.
Eines Tages drinn im greana Woid,
howe iah gsagt, dass sie mia goa so gfoid,
und i hob me glei ins Moos hi kniaht
ins Greane.
I hob gebleazld mit de Aung,
weile gmoand hob, sowos meng de Fraun,
und i hob iah in die Händ gedruckt
a
Bleame!
I bin
da Peppe vo da Au,
howe
gsagt und i suachad a Frau,
und i
mecht a Portion Kinda hom,
finf
scho fei!
Und i
daad eah gean a Nestal bau,
schee voziad mit am grean Goatnzau,
und i waar eine Saej vo Mo
und aa trei!
Chor: Ea war hoaß!
Peppe: Oh mei, i hob fast brennt!
Chor: Ea war hoaß!
Peppe: I bin iah nachegrennt!
Chor: Ea war hoaß!
Peppe: I hob Feia gspiem
Chor: Ea war hoaß!
Peppe: ...und hobs damit votriem!
Chor: Ea war hoaß!
Peppe: ...dann bine explodiat!
Chor: Ea war hoaß!
Peppe: ...und wia a Schtean
vogliaht
Chor: Ea war hoaß!
Peppe: ...ach, die greana Aung, die greana!