Opus 367/ 1988
(frei nach
"Da Volksrealhauptoberschul" von Thomas Felder)
Kaum bist aaf da Waejd
wiast in d Schuih einebschtaejt,
dann deafsd grod no sitzn und schdaadsei!
Red ned mit deim Nachbarn,
schau grod in dei Heft,
dann bist boid a schtrebsames Gschaaftei!
Da
Lehra, da Oame,
mia
woin eahm vozeihn,
ea sitzad aa liaba dahoam bei am Wein,
ea muaß enk an Schtoff grod beibringa,
zweng an Kultusminista in Minga!
Bis d schaust kannst scho rechnen
und aa richte zaejhn,
oans, zwoa, drei, via, finf, sechs, sieme!
Du lernst schnaej,
dass Kinda hom nixen zum maejn,
und brave Leit kemmand in Himme!
Dann lernans da s Schiang
und s Scheedoa voam Gsicht,
und s Schreim und s Lesn
und manches Gedicht,
und jedn Tog schteans de im Schloof,
drum findn aa alle d Schuih doof!
Und kimmst ins Gymnasium,
dann gehts da dro,
da lossns de glei Hiadnschpringa.
Da siebns de aus, da wiast nimma froh,
doch megsdas schließle zu ebbs bringa!
Vogiß deine Winsche,
pauk gfälligst Latein!
Moatade Kindal,
dann kannstdas dakrein!
Oan Finfa kannst da dalaum,
an Schtudienplotz kriagst fraale kaum..!
Kannst dann Algebra,
Chemie und Physik,
und drei Schprachn
vorwärts und zruckaus,
und kannst dann no locha,
dann host owa Glick
die mehran hom
Mongschwüa und Schluckauf!
Host dann endle gschafft s Abitur,
dann loß de da Schtaat
no längst ned in Ruah,
dann deafst wia a Deppal marschian,
denn owei no host eahm z vaej Hian!
Kinda, wos doats denn?
Wo gehts denn heit hi?
Heit is doch s Weda so schee!
Weafts enkan Schuipag
in d Eck und singts:
Lehra, heit kriagst uns nimma!