Opus 366/ 1988
("frei nach
"With a little help from my friends" von den Beatles, gesungen in der
Art von Joe Cocker)
Er: "Wos wea ma
doa,
wenn ma oit sand und graab
und koa Feia in uns mehr brennt?"
Weama uns nacha owei no meng,
wenn jeda vom andan ois kennt?"
Sie: "Moanst,
dass de dann,
wenns d me sehgst aa no gfreist,
wenn mei Gsicht voia Foitn is?"
Er: "Wenns
luste bleibst
und ned z vaej kommandiast,
na glaube, gfreiame gwiß!"
Er: "Und wenne
a Glazn kriag
und an Bauch
und wenne koi Zähnt mehr han?"
Sie: "I schtrick
da a Haum,
schpar mit Zucka und Fett und
beiß da ois her, wenne kann!"
Sie: "Ob ma im
Oita aa no Musizian?
Oda ob uns die Gaude umhaut?“
Er: "Dann hea
ma scho schlecht, dann drahma no lauta,
dass se da Toud ned zu uns einatraut!"
Beide: "Mia bleima
ganz gwiß die Oitn
Und pfeifma aaf Jahre und aaf Foitn!