Opus 364/ 1988
(frei nach
"Summertime-Blues")
Heit schwaanz ma oizamm d Schui
und gehngand liaba Schwimma!
Bei so am scheena Weda hogg ma
uns ned ins Klassnzimma!
Da Lehra wead se gfrei,
wenn ea uns amoi ned sehgt,
ea
hod scho graabe Hoor kriagt
waa mia hamman owei gneckt,
mia schick ma eahm a Koatn
mit am scheena Gruß,
"Ihre Klaß schtrebad fleiße
an Summazeit-Blues!"
Mia geh ma in koa Freibad,
waa im Baggasee is scheena!
Des Wossa is so heale frisch
do kannt ma se dro gwehna!
Do braucht ma aa koa Hosal
und koan Bikini ned,
du deafstn owa ozuing,
wennst des Gwand bist gweht,
mia tauchand und mia schwimmand
und gebn uns aa an Kuß,
und singand vor Freid
an Summazeit-Blues!
Mia
leng ma uns in Schootn
unta
Weidnstauan.
Mia eß
ma und mia tring ma
und bedauand die Bauan,
die wos in dera Hitz
aaf da Wies draußn heing,
mia daad ma eah so gean
a weng an Schootn leihng,
dann eß ma a paar Heandl
mit am Zuckaguß,
und singand voa Freid
an
Summazeit-Blues.