Opus 363/ 1989
(frei nach
"Games People Play")
Wos d Leit fia Gschpaeja schpaejn,
wen s an d Regierung waejn,
se waejn die Schwoatzn gean,
waa de sands scho gweht de Hean!
D Leit meng gean Umgang geh,
s
Marschian is goa so schee!
Dabei baatzns d Brust nach voan,
mei d Leit des sand so Noan!
Und Halleluja schrein s
und dann gebenedeins,
dengan dabei ans Bia,
und luand nach scheene Knia.
Und Autorennads schaun s
und ehrane Kinda haun s.
und schuißt ebba a Tor,
dann schreins laut "Tor" im Chor!
Und s Schunkeln mocht eah Freid,
dafür hom s owei Zeit,
und s Fernsehn is east guat,
wenn rinnt a Haffa Bluat.
Und wea ned duat wia se,
dem gengands aus m We.
Hinta seim Bugl redns
- nix scheens!
Fluigt a Boin übas Netz,
fünf Schdund, des is a Hetz,
grod owei her und hi,
- das langweilts nie!
Oh Leit oh Leit oh Leit!
Oh Leit oh Leit oh Leit!
Mit enk hod ma weng Freid,
du liabe Zeit!