Opus 362/ 1988
(frei nach „Crossroads“ von The Cream)
Unt an da Kreizung,
do gehts heit wieda zua!
Unt
an da Kreizung,
do
is niamois a Ruah,
do heaschn Maschinen,
drum hau schnaej ab mei Bua!
Unt an da Kreizung,
do treffans oizamm zamm!
Unt an da Kreizung,
do findst an jedn Nam,
do fahrt ois wos fohn kann,
und manchmoi schtessns zamm.
Unt an da Kreizung,
do hods jeda pressant!
Unt an da Kreizung,
lauta Damische sand,
se schimpfand und deitn,
wias feine Leit ned daand.
Unt an da Kreizung,
do schtinkts, do wiad da schlecht!
Unt an da Kreizung,
da vokeaht mancha Hecht,
und manches kloane Fischal,
des wos aa grouß sei mecht.
Unt an da Kreizung,
hods manchm s Heaz eigfread!
Unt an da Kreizung,
do hod grod Blech an Weat,
do bestimmand bunte Liachtal,
wea woatn muaß, wea fäaht.