Opus 342/ 1988
Ich entdeckte wieder das Lachen. Nichts
anderes - neben der Liebe - schien mir ähnlich wertvoll. Ich erkannte, dass
Liebe und Heiterkeit zwei Zauberer waren, die das Sauerste versüßen konnten.
I
mecht so gean a Kaschpal wean,
wenne amoi grouß bin!
I mecht d Leit so gean locha hean,
und nembei mei Broud vodean,
wenne amoi grouß bin,
wenne amoi grouß bin!
Ois Kaschpal deafte oissen song,
und an jedn tuschn,
i lochad saejbst an Haiptling aus,
und schpaejad mit eahm Katz und Maus,
und daad vor neamndn kuschn.
I lossad d Leit in Schpiagl schau,
mei,
waar des a Gaude!
D Leit daadn eahrane Aung ned trau,
und weradn beim Locha schlau!
Mei,
waar des a Gaude!
I häd a lange Zipfehaum
und a lange Nosn.
Alle Leit daadn ma traun,
i
daad brav wia a Hundal schaun,
aus meina buntn Hosn,
daad eah s Pfeifal blosn!