Opus 309/ 1986
Die Kellnerinnen haben etwas, was die Ehefrauen nicht haben. Der
Wirtshaustisch hat etwas, was der Wohnzimmertisch nicht hat. Was macht einen
harten Wirtshausstuhl so anziehend, was verleidet einem ein warmes Ehebett?
Stoff genug für zehn Doktorarbeiten.
Geh hoam!
s wiad langsam Zeit!
In dem Wirtshaus vosammst rein goa nix!
Dahoam schloffan d Kinda
und dei Wei,
schreckt dauand aaf,
weils d no ned do bist.
Geh hoam!
s wiad langsam Zeit!
In dem Wirtshaus redns heit nix neis meah.
Dahoam schloffan d Kinda
und dei Wei
duat se oi, obs d iah aa trei bist.
Geh hoam!
s wiad langsam Zeit!
In dem Wirtshaus sands oizamm bsuffa!
Dahoam schloffan d Kinda,
und dei Wei
kanns ned voschteh,
wos de grod fuat treibt.
Geh hoam!
s wiad langsam Zeit!
In dem Wirtshaus kann dia neamnd haejfa!
Dahoam schloffan d Kinda
und dei Wei,
no gehst eah o,
boid wiast eah wuascht sei!
Geh endle, geh endle hoam!