Aaf oamoi bist do

Opus 248/ 1983

 

Im Grunde geht es uns - auch älter geworden – um nichts anderes als das, was auch einem Neugeborenen die kalte Welt erträglich macht: um Wärme, Zuwendung, Liebe.

 

Aaf oamoi bist do,

ausgschtessn aus m woama Bauch,

und d Waejd is so koit,

und dia doand d Augn weh

von dem Liacht,

und ebba packt de an de Fiaß,

und dia schuißt s Bluat in Kopf,

und du kriagst dein erstn Haua,

und du schreist so laut wiast kannst,

und des Schrei des duat da guat,

dann vogeht dei erste Wuat -

waa aaf oamoi gehts wieda vo unt woam hea.

Dann heast unta dia a Heaz des kennst

und neba dia a Schtimm:

Mei Bua, wiara me gfrei, dass d endle do bist...!