Opus
244/ 1983
Da Houdl und da Koudl
des sand da zwoa so Gsaejn!
Da Houdl kann laut singa
und da Koudl kann laut baejn.
Da Koudl safft gean Laggan
und da Houdl trinkt gean Bia,
owa sunst sand s grod a so,
sand s grod a so wia mia.
Da Houdl und da Koudl,
de gehngand gean in Woid.
Da Houdl suacht duat Schwamma
und da Koudl suacht ebbs Gfoits.
Boaht da Houdl in da Nosn,
grobt da Koudl waejd im Koud,
nacha toins eahra Broutzeit
waa se kennand koan Foud.
Da Houdl und da Koudl
de brauchadnd a Wei.
Doch da Houdl is koa Kavalia
und da Koudl is ned trei.
Schuid is beim Koudl d Nosn
und beim Houdl sands woih d Augn,
da Oane mog grod schnoofen
und da Anda mog grod schaun.