Wenne amoi da Herrgod waar

Opus 193/ 1981

 

Nein, ich wäre kein gütiger Gott! Mit Blitzen würde ich werfen auf diejenigen, die meine Schöpfung zer­stören! Doch andererseits: wenn die Menschen nur vernünftiger würden, um meinen Blitzen zu entgehen, könnte ich mich daran freuen? Nein. Also, keine Blitze. Aber was dann?

 

Wenne amoi da Herrgod waar,

wos moanst daade dann mocha?

Seids frouh, dasses ned bin,

waa do vogangad enk,

do vogangad enk glei s Locha!

 

Und wenn no oana vo enk Sklavntreiba

no oamoi des Woat Freiheit sogt!

Und wenn no oane vo enk damischn Weiba

noch nix andam ois noch Mode frogt!

Und wenn no oana vo enk Bluatspolitika

an Pazifistn Bazi schimpft!

Und irgendwo a garschtiga Baua

seine Viecha mit Hormonen impft!

Und wenn no oana sei oite Muatta

ins Altersheim abschuibt zum Schteam!

Und vo schlogade Polizistn,

gaej, do moge fei glei goa nix mehr hean!

Und soit aaf dera fruchtbarn Erd

no irgendwo a Mensch voa Hunga schteam

und gwisse Herrn duach Nahrungsvonichtung,

sich a goidane Nosn vodean

- dann leanats mi kenna,

oans waar dann gwiß,

dann schtraffad enk ziemle boid mei Blitz!

 

Und wenn no Oana vo enk Ganovn

sogt, dass ebbs wichtigas ois Friedn gibt!

Und irgendwo abschußbereit a

schoafe Atombombn liegt!

Und wenn no Oana an Baam umschneid

ohne dafüa an neia zu pflanzn

- Leit, i sog enks, es häd dann gfeiht,

i zdruggad enk grod wia Wanzn!

Und wenn no irgendwo a Fabrikant

a Glump heaschtaejt, des koa Mensch braucht,

und deshoib mit am gschtungan Feia

dene Leit eahra Luft voraucht!

Und wenn no irgendwo a Bürokrat

z Fleiß oame Leit drangsaliat,

und in am Gericht a Nazerichta

seine oitn Tricks ausprobiat

- dann leanats me kenna,

oans waar dann gwiß:

do schtrafad enk ziemle boid mei Blitz!