Opus
191/ 1981
Könnten wir die
Welt wirklich noch retten? Wenn wir uns von unseren Illusionen trennen, von
unserem Stolz, den Fleischtöpfen, unseren Gewohnheiten, unserer Rechthaberei,
unseren Stimmungen?
Mia zfleischma uns zweng Kloanigkeitn,
waa de Andan ned so woin
wia mia,
und schtreitn, schtreitn, schtreitn, schtreitn,
zweng lauta Krampf und aus Mania.
Dabei wadma eh sechane Hund!
Und ois kannt ma uns zuatrau!
Und hom eigentlich goa koan Grund,
dem Treim länga zum Zuaschau!
Mia sand wia pfeifade Wossakessln
und mocha ma uns s Lem saejba schwaar.
Mia dampf ma zweng am jedn Scheißdreg
und wenns draaf okimmt samma laar.
Und um uns geht langsam d Waejd in Fetzn,
ja mei, solangs zerscht die Andan trifft!
Schauma zua, wia s wieda d Messa wetzn,
und s Land tränkt wiad mit lauta Gift.