Moritat vom Luk und da Lisl

Opus 182/ 1981

Selten hilft man jemandem, wenn man ihn zu fest umklammert, ihn einengt, in Abhängigkeit bringt, ihm die Luft nimmt.

Da Luk, dea woit aus m Wossa ebbs hoin,

dabei is a eine ins Wossa gfoin,

do hoda gstrempfed, hoda prust,

hod ghod zum Dasaffa goa koa Lust.

Da Luk hod nia schwimma gleand,

„Haejfts ma, haejfts ma!“ hod man schrei hean.

d Lisl, die Guade, hod denkt: „Wos sois!

I packn einfach um an Hois!“

Doch dea war scheinbar z schwach gebaut,

da Luk hod gschtöhnt sein letztn Laut,

hod d Lisl mit in s Wossa grissn,

sie hod mit eahm dasaffa meassn.

Und die Moral von der Geschicht:

Pack einen z fest um an Hoise nicht!

Wennst ebban haejfst, no haejf eahm richte,

guagldn ned o, waa s Schnaufa is wichte!