Opus 176/ 1981
Die
amtliche Datenerfassung wird immer lückenloser und die Gefahr des Missbrauchs
steigt.
Es ist anmaßend,
was der Staat alles über seine Bürger registriert, denn vieles geht ihn überhaupt
nichts an.
Heit fressnd uns Compjuta,
unsan Schtaat ois intressiat.
Gheast am Papst oda am Lutha
- du wiast gspeichad und seziat.
Wannst d Masan ghod host oda Zahnweh,
demonstriad host und dich beascht,
obsd brav gedient host in da Armee
und wiavaej Schprachn du beherrscht.
Obsd a Gaejd host oda
Schuidn
und wos d gwen bist ois Tourist.
Obsd d Regierung duast geduidn,
oda obs d bist a Anarchist.
Obsd am rechtn Wege wandlst,
oda Beitrag bei da Gwerkschaft zoihst,
obsd mit irgendebbsen handlst
und s Liacht da Öffentlichkeit scheust.
Wiavaej Schtrom du so vobrauchst,
und obsd Lesabriefe schreibst.
Obsd a Biß host und obsd rauchst
und wos d so noch da Oawat treibst.
Heit fressnd uns Computa
unsan Schtaat ois intressiat,
gheast am Papst oda am Lutha
du wiast gschpeichad und seziat.