Opus 172/ 1980
Zivilcourage - wenn es genug davon gäbe, dann
wäre dieser Sumpf bald trockengelegt!
Mecht enk a Schneid vokaffa,
dass enk nimma fiachts.
Und aafheads mitm Raffa
und neamdn mehr voschiagts!
A Mensch soit sich ned z oft bugga
und laut sei Meinung song.
Ned vor grouße Viecha dugga
und sei Anliegn voatrang!
s braucht desweng ned grob sei,
reds freindle, wia ses
ghead.
Doch wenns im Recht sads, gebts ned nach!
Reds laut, dass jeda head!
Übalegts fei wiadses o baggts,
a Taktik schod enk nia!
Mit Hian iah jede Nuß knackts,
fia unsa Land zua Zia!
Mia brauchma Demokratn
de wos in da Suppn schtriegln,
uns haejfand ned de Fadn,
de sich im Nest eiigln.
Leit wia du und i,
fia s Lem bereit zum schtreitn,
sunst is de Erd boid hi,
zu Ende alle Zeitn...
Mecht enk a Schneid vokaffa,
dass enk nimma fiachts.
Und aafheads mitm Raffa
und neamdn mehr voschiagts!