Opus
148/ 1979
Sich hinter
einem Leithammel scharen und dann über seinen Führungsstil lamentieren - ist
das nicht eine unserer Lieblingsbeschäftigungen?
Ea is da Haiptling,
mia hom zum Schpuan,
mia hom zum Schdaad sei,
deaf ma ned muan!
Unsa Haiptling soit se schama,
häd dafür gnua Zeit,
sog eahms dennast liabe Mama,
sog eahm du Bescheid!
Hau eahm du oane aaf d Goschn,
waa ma uns mia ned traun.
Dua eahms Moi mit Soifa woschn,
zu dia hamma Votraun!
Soi ma owei an Deppn mocha
und üwa oissen schweign,
üwa seine bledn Witze locha,
und zuahörn bei seim Schrein!
Soi ma kruicha, owei dugga,
ja ned diskutiern.
Trau ma uns ned aafmugga
und ned organisian!
Soi ma schuftn, Johr um Johr
um unsa Oawat zidan.
Kriang ma langsam graabe Hoor
und sand langsam am vobittan!
Drum Mama, sog s eahm hoid!
A so gehts nimma weida!
Es pressierad, sogs eahm boid!
Waa ea wiad owei gfeida!