Deandla luusts aaf

Opus 146/ 1979

 

Auch Frauen sollen Soldaten werden, wird heute von liberalen Politikern gefordert! Ihre Logik ist so einfach wie teuflisch: Wer Emanzipation will, muss auch be­reit sein zu marschieren! Leider gibt es auch ein paar Frauen, die Marschieren und Töten für ein erstrebens­wertes männliches Privileg halten und bereit sind alle männlichen

Blödheiten nachzumachen.

 

Deandla, luusts aaf, spinnts dennast ned a so,

woits enk aejtz a no daschuissn wia d Manna?

Bis aejtz meaßts ned zum Barras,

sads darüba froh,

brauchts ned moadn und schteam für a Fahna!

 

Waa se in letzta Zeit Deandla rüahn

und se langsam emanzipian,

ja mei, waa s schließle Wähla sand,

drum wiad eahra Vohoitn langsam riskant!

Militärdrillerei ois Arznei,

is dageng bessa ois jede Geheimpolizei...

 

„Beim Barras weands scho kloa!“, song s.

„Do vogeht eah eahra Gschroa!“

„Do lernands erst amoi reen!“

(und schrubband Kasernenbödn)

„Lernand wia ma geht

und vor Vorgesetztn schteht!“

„Und dann beim Exerzian

weamas wia Hund dressiern!“

 

Deandla luusts aaf, schpinnts dennast ned a so!

Haejfts uns liaba s Militär oschoffa!

Unsinnig zu beweisn, dass ois kinnts ois wia a Mo,

awa in Uniform nehmts uns a jeds Hoffa!

 

Ned ois wos Manna mochand

is gscheid, aa wenns saudumm lochand!

Se blickand saejba ned recht duach,

und sand eignaht in a Tuach

aus Ehrgeiz, Angst und Neid,

mit ehrana Freiheit is ned weit...

 

s Kindakriang wiad enk trotzdem bleim,

Belastung no a ganz Drumm schteing.

Do haejft enk dabei koa General,

ausnutzn woins enk, ganz brutal!

Doats enkane Kinda ned vorrotn

- bitte, gehts ned zu de Soidatn!

 

Haejfts liaba mit an Friedn auszumprobian!

Enka Denga hom s bis aejtz no ned zbrocha!

Zoigts dene Geia, die enk hoin woin, enka Schtian!

Doats aaf enka Frau-Sei pocha!

 

Red ma mitanand!

Geb ma uns solidarisch d Hand!

Nur mitanand kannt ma s schaffn!

Denn ohne uns sand Waffn

nix andas ois gfährlicha Plunda.

Bitte, woats ned aaf a Wunda!

Gehts ned in eahra Foin

- sunst meass ma oizamm zoihn..!