Deandl, geh weida

Opus 138/ 1979

 

Deandl geh weida,

mia gehma aejtz fuat!

Mia gehma zum Schneida

und dea wohnt glei duat!

Do loß ma de messn,

um an Bauch und um d Brust,

Deandl geh weida,

oda host am End koa Lust?

 

Deandl geh weida,

mia gehma aejtz fuat!

Mia gehma zum Begga

und dea wohnt glei duat!

Dea bacht uns a Brezn

oda aa zwoa,

oda ea ißt seine Brezn alloa.

 

Deandl geh weida,

mia gehma aejtz fuat!

Mia gehma zum Bauan

und dea wohnt glei duat!

Dea hod neie Eapfe

und a scheene Kuah,

no traatz ma sein Gickl

oda loß man in Ruah!

 

Deandl geh weida,

mia gehma zu mia!

I bin zwar recht schüchtan

und kann nix dafür!

Owa geng a Bussal

häde nix dageng

- mia kannt ma uns aa

aafs Kanapee leng...

 

Deandl geh weida,

laaf doch ned davo!

Es gibt doch nix ärmas

wia an oazaejna Mo!

No ja, wennst hoid moanst,

no gehma zu dia

- doch do hockt dei Muatta

die ganz Nacht voa da Tüa...