Opus
129/ 1978
Mögen mich die
Götter davor behüten, so zu werden wie manche Stammtischbrüder, die immer ihren
alten Mist breittreten, den verbrecherischen Krieg schönreden und ihren Adolf!
Diese Hohlköpfe! Selber verführt und erniedrigt und nun große Töne spuken, so
als wären sie am Obersalzberg verkehrt! Doch Toleranz und ursächliches Denken
haben sie nie gelernt und niemand auf der ganzen Welt wird es ihnen noch
beibringen können, sie sind eine bedauernswerte verlorene Generation und
hoffen kann man nur, dass sie ihre Beschränktheit einmal mit ins Grab nehmen.
Han s Rechnen gleand, aa s Schreim und s Lesn,
woaß wia ma fohrt a jede Schäsn!
Han mas goabat gnua! Kenn me aus in da Waejdgschicht,
und woaß, wia ma gwiße Gschäftal vorricht...
Wissts friahras, heit is lang nimma a so,
waa mia hamma enk scho ois graamt aus da Boh!
Heitzutags - gehts zua - ees habts ja eh ois!
Wos hamma mia ois ghod am
Hois!
Wia a Frosch, dea solang gschtrempfet hod,
bisa aaf da Buda gstandn is, grod
howe dabei nia di Hoitung voloan,
- aufrecht und gred! Wennts übahaupts wissts wose moan!
Und wo ma mia scho übaroi gwen sand!
Do luusts zua, wos ma mia
ois dalebt hamd!
Fehla? Hamma aa gmocht, fraale,
fraale
- bringts ma no a Maß! Dalle, Dalle!
Hob enk übahaupt scho vo Rußland vozaejht?
Wia ma mia für Deitschland zong sand in s Faejd?
Wias uns im Grom drinn eigfread hod?
Koit wars! Hod uns owa ned
gschod!
Mei ees, wos woitsan? Woits
goa scho mitredn?!
Ees seids ja no goa nirgands gwen!
Zum Oabatn schtengand enk d Händ hint ausse
- s hoibade Johr Ferien, an ganzn Tog Pause..!
Da Oabatsdienst waar scho ned schlecht!
Waa jeda vo enk grod oschoffa mecht!
A Negamuse, an Bort, lange Zottn -
iaga soge owei, ois wia bei de Hottndottn..!
Wos host gsogt? Dassd fei ned glei oane fangst!
Hah! Moints i hob voa enk Schneaflen Angst?
Gehts hoid umme a wengal zum Schtalin-Sepp
dass sehgts wias enk do baggand, jede Wett!
Enka Gsoifarad, wea kennt aejtz an Ruß?
Ees oda i? Weit weg vom Schuß
kann ma leicht schmatzn. Wos? Wea an Kriag ogfangt hod?!
Wos wissts an ees, jeds Wort is bei enk zschod!
Es gibt ned grod di! Sitz de nieda sei schdaad!
Davo wiast ned hi! Sei oamoi ned fad!
Hör aaf mit de Schprich! Luus amoi zua!
Wennst uns no oamoi so o bläast, schleichst de!
Oda – gib a Ruah!