Opus
124/ 1978
Wie ein Bär
Winterschlaf halten! Sich zu Winterbeginn eine Höhle suchen und dann schlafen
bis zum Frühjahr! Danach sehnte ich mich oder zumindest nach einem Kundendienst,
einer Runderneuerung, einem Ölwechsel, einem neuen Luftfilter - einer Formatierung
der Festplatte, oder wenigstens nach dem Löschen des ganzen unnützen
Ballasts...
Oamoi im Johr an Kopf owaschraufa,
a wengal ohne Kopf schnaufa,
s Hian a Zeitl in d Waschmaschin schtegga,
an Schtress aussawoschn, die graabn Hoor entflegga!
A so a Kundndienst waar ebbs guats,
nacha waar aa sicha s Lem ned so kurz,
wenn d Augn zum Rastn in Mil eiglegt wean,
d Ohrwaschl ausglüft, dass wieda bessa hean...
Zähnt, waar des schee, zum Schpangla bringa,
d Boina nei aejn, s Kreiz, Knia und d Finga.
d Lung und d Leba chemisch reinign lossn,
an Mong und s Heaz mit Soifalaung woschn!
Am Schluß ned vogessn, a neis Bluat aaffaejn!
Koas vo am Hund, sunst fangst o zum baejn!
Nervn daada ma aa a poor neie kaffa
und Zivilcourage an ganzn Haffa!
Nacha mechte drei Monat schloffa,
am Houhbodn om in am kloana Koffa,
und wenne aafkimm, soits koan Kriag meah gem,
nacha mechte wieda nei Monat lem...