Opus 115/ 1978
Woaßt, du kannst das a so oda a so mocha.
Kannst drüba pläan - oda drüba locha
oda
goa nix doa.
Du kannst an Baam umschnei
oda oan pflanzn,
dich um d Leit kümman
oda di um nix und neamadn schean.
Du kannst das a so oda a so mocha-
owa iagendwia weassdas hoid mocha meassn!
Du kannst zweng an jedm Dreeg in d Heh
geh,
oda sitzn bleim und tuif schnaufa.
Du kannst am Schnee draafschteing,
oda kannstn weggaramma.
Du kannst dei Lem lang schparn,
oda grod a Zeit lang
oda goa ned.
Du kannsta da owa aa a jeds Glump kaffa,
dass d voa lauta Graffe koan Bleistift
meah findst.
Du kannst das a so oda a so mocha,
owa irgendwia weastas hoid mocha meassn!
Du kannst wia a Narrischa mit
zwoahundat Sachan
vo Deggndorf nach Wallasdoaf rasn,
kannst owa aa dahoam bleim und a weng
an Pfeffaminz eiwoika.
Wenns de gfreid,
kannst da dei Haustüa mit Heftpflasta
zuabigga
und dir aus Gaudi an weitscheibadn Huat
um an Bauch bindn.
Kannst da in d Suppn Tablettn eibrocka
und dia in Schturzhaejm a Wärmflaschn eibau.
Woaßt, du kannst das a so oda a so
mocha.
Owa irgendwia weast das hoid mocha meassn!