Opus 089/ 1976
Mein erster ökologischer
Protestsong.
Mia wea ma uns woih no
drogwehna meassn
ans Quecksaejba im Essn,
ans Blei im Bluat,
und woih schließle ans Gasmaskntrong,
mit Schtepsl in de Ohrwaschl
und Zapfal im Darm.
Wenn da Ozean
zum Schtinga ofangt,
wea man woih nimma lang riacha.
Da Sauastoff, den ma brauchand,
der duat langsam vorauchn.
Zwoa Drittl kimmt aus m Meer,
doch s Meer duad se scho ziemle schwer.
In da Abfallsuppn Ozean
schtiabt zuerscht da Pelikan.
s Aej und s Gift der Industrie
mocht ois hi!
Sosososo...
Mia wea ma uns woih no
drogwehna meassn…
Wenn dann unsa Haut zum Brenna ofangt
wea ma alla mitananda schrei.
D Sunn scheint munta
aaf unsa Erd runta,
uns schützt vor ihr heit s Ozon,
doch des gibts boid nur noch im Lexikon.
Aus da de Düsn da Dampf,
und da Schpraydosnkrampf,
s Clorflurmethan
frißt an Ozongürtl zamm.
Sosososo...
Mia weama...
Wenn die Radioaktivität
kimmt, dann wea mas goa ned hean,
wenn die Radioaktivität
kimmt, dann wea mas goa ned hean,
weand ganz schdaad schdeam.
Tritium und Cäsium,
Jod und a weng Schtrontium,
wiad heit vopufft
aus m Reakta in d Luft.
Mia weama vaej blassa,
wenns vo duat kimmt ins Wassa.
Üwa d Pflanzn und Tia
kimmts schließle zu dia und mia.
Sosososo...
Mia wea ma uns no drogwehna meassn…