Opus 074/ 1974
I mog nimma schtreitn,
nimma kritisiern und aa ned richtn,
mog nimma, mog nimma,
mog nimma hintafrang
- mog grod no dichtn, zur Freid dichtn!
I dicht vom scheena Weda
und aa davo dass rengt,
do geht ma nia da Stoff aus,
so hannama des denkt.
Dann lobpreise alle Deandla,
die gscheidn und die scheena,
die siaßn und de zartn,
weade mit Minnegsang vowehna.
Dann dichte üwa s Essn
und üwa boarisch Bia,
dann dichte übas Kocha
und üwa scheenes Gschia.
Dann dichte üwa Baama,
üwa Bleame, üwa s Gros,
und wenne scho dabei bin
üwa a Antn und an Hos.
Dann dichte üwa s Frühjohr,
üban Summa, üban Hiagst,
aaf d Letzt goa üban Winta,
hoff grod, dass d ned obiagst.