Opus 067/ 1975-2004
Da
Kaschpal is dout,
aejtz
brauchma nimma locha,
aejtz
kimma endle grante
schau
die ganz Wocha.
Aejtz kimma endle bes sei
und owei fad und zwieda,
an Foz nach untn zuing,
owei wieda, owei wieda.
Aejtz kimma endle pfleatschn,
hussn und schiang,
nimma grod voschtoins
aaf da Kellaschtiang.
Aejtz kimma letschn,
jamman und pläan
und sossn und grantln
des doama so gean.
Da Kaschpal is gschtoam,
da Gschpoaß is vorbei,
o heiliga Ernst,
kimm boid vorbei!